--Ads--
Impaganetget ti Malakanyang a nasken a maammuan ken makita ti nakurang 13,917 a flood control project a naaramid idi administrasion ni dati a Presidente Rodrigo Duterte.
Segun ken ni Palace Press Officer Usec Claire Castro, napateg a makita dagitoy a proyekto ta mapapati nga ar-aramaten ti kampo ni Vice President Sara Duterte ti isyu ti layus tapno allilawen ti agdama nga administrasion ken paglikudan dagiti anomalya idi napalabas nga administrasion.
Kunana a napateg a maamuan no sadino ken ania ti nagresultaan dagiti rinibo a flood control project, nangruna ta adda latta layus uray nagado dagiti flood control project.
Patienna a napateg a maipakita ti pudno nga epekto dagiti proyekto tapno masungbatan ti parikut iti layus ditoy pagilian.
-- ADVERTISEMENT --
