--Ads--
Inlawlawag ti Philippine Navy a nangisayangkatda laeng ti fire drill iti BRP Sierra Madre iti napalpalabas a bulan isu nga adda asok a nakita manipod iti barko.
Ti palawag ni Philippine Navy Spokesperson for West Philippine Sea Rear Admiral Roy Vincent Trinidad ket kalpasan a nangiruar ti sarita iti China nga agreresulta iti polusyon ti barko ti Pilipinas iti Ayungin Shoal a paset ti pagin-innagawan a teritoryo idiay West Philippine Sea.
Segun ken ni Trinidad, nagaramat dagiti tropa ti highly combustible materials isu a nakaru iti asokna gapu iti naangin a lugar.
Nupay kasta ket insigida a nadepdep ti apoy ken balligi iti naisayangkat a panagsanay.
-- ADVERTISEMENT --
