Nakemmeg a nagtatadi idiay Santiago, saanda a ninamnama nga adda ti pulis a kakaduada nga isu iti nangkemmeg kadakuada

VIGAN CITY – Saan a ninamnama dagiti nagtatadi idiay Sitio Naglumbaan, Brgy. Al-aludig, Santiago nga adda kaduadan a pulis a mangkemmeg kadakuada iti naisayangkat nga Illegal Cockfighting idi April 2, 2021.

Iti pannaki-uman iti Bombo Radyo Vigan ken ni PLt. Godofredo Ribuyaco, OIC iti Santiago PNP, sangapulo ket uppat iti nakemmeg idinto a sangapulo ket maysa iti nakalibas idi insayangkat dagiti kameng ti PNP iti Anti-Illegal Gambling operation iti nasao a lugar isu a manarimaanen iti pannakaipila dagiti dukomento tapno makemmegda iti kabiitan a panawen.

Dagiti nakemmeg ket nabigbig a da Arsenio Galang, 83 years old, naasawaan; Julius Lapeña, 27 years old, baro; Mark Anthony Ellorin, 28 years old, naasawaan; Brix Ellorin, 31 years old, naasawaan, Reynaldo Corpuz, 58 years old, naasawaan, Joselito Escritor, 50 year old, naasawaan, Pablito Abrenica, 49 years old, naasawaan, Mark Anthony Gines, 38 years old, naasawaan; Franklin Gacusana, 41 years old, baro nga agpapada nga agnaed idiay Brgy. Casilagan, Banayoyo; Rolando Fernandez, 48 years old, baro, Ricky Tamboy, 40 years old, baro, Ronilo Molina, 22 years old, naasawaan nga agpapada nga agnaed idiay Brgy Paras, Langlangca 2nd and Talogtog, Candon City; Fredie Malaki, 42 years old, baro nga agnaed idiay Brgy. Laslasong Norte, Sta Maria ken ni Rolando Ellorin, 48 y/o, baro, nga agnaed idiay Brgy Baybayabas.

Pinasingkedan pay ni Ribuyaco nga umabot iti pito ribo a pisos iti gatad a naalada a pusta ket posible sag-sangapulo ket lima ribo a pisos iti pagpyansa kada maysa kadagiti nakemmeg.