VIGAN CITY – Nakapyansan iti gatad a sangapulo ket lima ribo a pisos dagiti napilaan iti kaso a panaglabsing iti Presidential Decree 1602 gapu iti panagay-ayam iti Pusoy-dos ken tong-its idiay Zone 2, Brgy. San Roque, Santiago idi May 31, 2021.
Dagiti suspek ket da Rommel Etrata, 44 y/o, naasawaan, mason; Maribel Bunag, 38 y/o, naasawaan, housewife, Jenalyn Reyes, 27yo, single, employee iti maysa a refilling station, nga agpapada nga agnaed iti Brgy San Roque, Santiago; Lea Ayson, 28 y/o, balasang, agnaed iti Brgy Kappa kappa, San Esteban, Jelita Etrata, 28 y/o, naasawaan, housewife; Charles Chistof, 21 y/o, baro, construction worker ken Maricon Mamaclay, 39 y/o,nga agpapada nga agnaed iti Brgy San Roque, Santiago.
Immunan a nairuar ti bail bond-da a 30,000 a pisos kada tao ngem naka-motion to reduce da.
Maipalagip a naala kadakuada iti dua a set iti baraha ken pusta nga aggatad iti 1,499 a pisos ta naaktuan dagiti pannakabagi ti linteg iti panagsusugalda.
