VIGAN CITY – Nag-plead guilty idi kalman, April 2, dagiti nakemmeg a nagpupusoy idiay Raois, Vigan City idi alas tres kinse ti malem idi March 31.
Nabigbig dagiti nakemmeg nga agsusugal a da Rodrigo Espejo Porte, agtawen iti lima pulo ket pito, naasawaan ken mannalon ; Renato Rosario Tamo nga agtawen iti lima pulo, mangngalap ken naasawaan; Rosemary Belisario Blando nga agtawen iti tallo pulo ket innem, naasawaan ken awanan iti pagsapulan kenni Aida Pilot Tamo nga agtawen iti lima pulo ket uppat, nga agpapada nga agnaed iti nasao a barangay.
Nagmuwelta iti sangaribo a pisos iti tunggal maysa kadagiti suspek kagiddan iti panag-plead guilty da ngem addan iti criminal record da iti Philippine National Police.
Nu saan kuma a nag-plead guilty dagiti suspek ket agpiyansa da kuma iti nasurok dua pulo ribo a pisos agingga tallo pulo ribo a pisos iti tunggal maysa.
