Impakaammo ti Philippine Embassy idiay Tehran nga awan pay laeng ti Pilipino a naapektaran iti kumarkaru a protesta idiay Iran kas pinasingkedan ti Department of Foreign Affairs (DFA).
Segun ti DFA, nasurok-kumurang 823 a Pilipino iti agdama nga adda idiay Iran a ti kaaddoan kadakuada ket permanent resident kas asawa wenno annak ti Iranian nationals.
Maipalagip a nagtaud iti nakaru a protesta iti nasao a pagilian manipod December 28, 2025 kalpasan a nairekord iti kangatoan a lebel iti inflation a nangpakaru iti ekonomia iti pagilian.
Naisayangkat iti protesta kadagiti agduduma a paset iti rehiyon kangrunaan kadagiti marigrigat nga agkidkiddaw iti pannakaleppas ti rehimen ni Supreme Leader Ayatollah Ali Khamenei.
Nangipatungpal dagiti otoridad ti internal shutdowm ken nagipatulodda iti adu a tropa iti security forces.
