VIGAN CITY – Maisagsaganan iti kaso a maipila kontra kada Jaswander Singh, maysa nga Indian National a taga-Bagani Gabor, Candon City nga isuda ken ti driver na a ni Rogelio Passion, agtawen ti lima pulo ket syam a nakadungpar ken ni Darlyn Cabais, agtawen ti lima pulo ket dua , naasawaan a taga barangay Bantay Abot, Narvacan idi alas nuwebe y media iti rabii idi September 7, kas pinasingkedan ni Police Captain Arcadio Viloria, hepe ti Narvacan municipal police station.
Segun ken ni Viloria, saan a simmuko ni Singh kenni Passion kadagiti pannakabagi ti linteg nu di ketdi napan laeng idiay Candon City police station ni Singh idi inpakaammo kenkuana dagiti pannakabagi ti linteg a naduktalan da iti pannakadungpar da ken ti biktima.
Inaklon ni Singh iti pasamak ket inpakaammo na pay nga inpan da idiay San Fernando, La Union iti lugan na tapnu idiay na a patarimaan iti dadael na gapu iti aksidente.
Kabayatanna, awan pay laeng iti inisyal a napagpapatangan dagiti kameng ti pamilya ti biktima ken dagiti nakadungpar ta iyuray pay iti pamilya a maitabon ti biktima.
