VIGAN CITY – Nakurang walo ribon nga estudyante iti naka-enroll para ti school year 2022- 2023 iti Ilocos Sur National High School.
Iti pannaki-uman ti Bombo Radyo Vigan kenni Principal IV Editha Bagcal, pakabuklan a pito ribo walo gasut walo pulo ket tallo nga estudyante iti naka-enroll para iti panaglukat ti klase a ti lima ribo tallo pulo nga estudyante ket para ti junior high idinto a ti dua ribo walo gasut tallo pulo ket tallo ket para iti senior high.
Mangnamnama ni Bagcal a maabotda ti target enrollment-da ta adda pay maka-lawas sakbay ti klase ket maibasar ti rekord naka siam a pulo a porsientodan ket bassit laengen iti yur-urayda.
Innayon ti opisyal nga adun dagiti classroom a nakasaganan para iti panagsubli dagiti agad-adal ken adda pay dagiti sumagmamano a simsimpaenda.
