Agyamyaman ti mangidaulo iti ili ti Galimuyod iti nagbalin a tignay dagiti umili ti naisayangkat a Dugong Bombo New Normal Blood Letting Activity.
Iti pannaki-uman ti Bombo Radyo Vigan kenni Galimuyod Mayor Jessie Balingsat, no man pay parikot ti umili ti panniempo ken ti agdama a pandemya saan a nakalipat dagiti kalugaran na ti tumulong kadagiti agkasapolan ti dara kangrunaan dagiti miyembro ti Sanggunian Kabataan ken dagiti opisyales ti barangay.
Innayon ti Mayor nga inururay na ti nasao nga aktibidad sakbay nga agpabakuna ta maysa isuna kadagiti kinanayon nga agidondonar ti dara ta napintas ti ipaayna.
Sangagasut uppat a pulo ti nagbalin a succesful blood donors ita nga aldaw ti nasao nga ili ken iti agdama addaanen ti pakabuklan a siam a gasut pito pulo ket uppat ti ballaygi a nakapagdonar ti dara manipod idi bulan ti enero.
