Simsimpaenen iti gobierno ti nabayagen a naitantan a benepisyo dagiti health worker a saan pay a naited manipod 2021 gapu kadagiti isyu nga adda pakainaigan ti Commission on Audit (COA).
Dayta ket kagiddan ti panawagan ti Alliance of Health Workers iti panagirruar kadagiti benepisyo pakairamanan ti performance-based bonus.
Segun ken ni Palace Press Officer Undersecretary Claire Castro, nagipasan ti Department of Health (DOH) ti clarificatory letter iti Department of Budget and Management (DBM) tapno masolbar dagiti patangan iti medical allowance.
Nailawlawag iti surat ti wagas iti panagbayad, no babaen ti HMO wenno cash reimbursement, Karamanen ti kualipikado a benepisiaryo ken dagiti kasapulan a dokumento.
Impaganetget ni Castro a nangrugi pay idi 2021 ti isyu iti naitantan a benepisyo dagiti health worker ken saan a napasamak dayta iti salinong ti administrasyon ni Pres. Ferdinand Marcos Jr.
