Agtaltalinaed a kabaknangan iti siudad ti Quezon kas maibasar iti 2023 Annual Financial Report on Local Government Units ti Commission on Audit (COA).
Daytoyen iti maika-uppat nga agsasaruno a tawen a naala ti Quezon ti top spot manipud kadagiti 149 a siudad iti intero a pagilian nga addaan ti 448.51 billion a total assets.
Maikadua ti Makati City nga addaan ti asset a P243.44 billion, sinaruno met ti Manila nga addaan ti asset a P85.92 billion; Pasig (P53.72 billion) ken Taguig (P51.92 billion).
Dakkel met iti ingangato ti Parañaque City manipud 10th plac idi 2022 ket nagbalin a 6th place iti tawen 2023 nga addaan ti P35.51 billion asset.
Maikapito met iti puesto ti Mandaue City; sinaruno ti Mandaluyong City iti maikawalo a puesto, idinto a maika-siam ti Davao City ken maika-sangapulo iti Cebu City.
Nakastrek met iti top 11 agingga 20 iti siudad ti Caloocan, Butuan, Zamboanga, Laoag, Antipolo, Muntinlupa, Pasay, Sta Rosa, Calamba ken Puerto Princesa City.
