VIGAN CITY – Nagsaritan dagiti nagmaneho ti kotse ken truck a nairaman iti aksidente iti national highway idiay Barangay Suso, Sta. Maria.
Ti nagmaneho ti Toyota Corolla ket ni Adrian Corsiga Angeles, agtawen iti duapulo ket siam, inluganna da John Kennedy Corsiga Alcantara, agtawen iti duapulo ket siam; Kathleen Jopheny Angeles Vinuya, agtawen iti duapulo ket maysa ken dua a menor de edad nga agtawen iti maysa ken uppat, agpapada a taga-Barangay Allaga, Nueva Ecija idinto a ti nagmaneho ti Isuzu Dropside Truck ket minaneho ni Crispulluo Cudal Corrales, agtawen iti duapulo ket innem, taga-Barangay 51-B Nangalisan, Laoag City, Ilocos Norte.
Iti pannaki-uman ti Bombo Radyo Vigan ken ni PMaj. Macario Dulawan Jr. nga Officer-in-Charge iti Sta. Maria Police Station, nagtulagan dagiti dua a driver a makaammoda lattan a mangpasimpa kadagiti dadael a paset dagiti luganda kalpasan ti napasamak nga aksidente.
Maipalagip nga idi parbangon itay 5:10AM (August 1, 2024) ket bayat ti panagmaneho ti driver ti kotse ket nagtugleb gapu ti kainaadayon ti minanehona isu a naidungpar iti nakaparking a trak iti igid iti kalsada a gappuanan ti pannakadunor ti driver ti kotse ken maysa kadagiti pasaherona.
VIDEO – PMAJ. MACARIO DULAWAN JR.
