Napalaus ti panagyaman ni Oscar Sevilleja a Barangay Kagawad ken Farmer’s President idiay Barangay Alinaay, Cabugao, Ilocos Sur ti panangipaay lokal a gobierno iti kasapulan para ti pagtrabahoda iti talon.
Ti addang ket kalpasan ti pannakaiwaras dagiti farm input pakairamanan ti organic ken foliar fertilizer kadagiti mannalon iti lugarda a nagtaud manipod Local Government Unit Cabugao nga idadauluan ni Cabugao Mayor Josh Edward Cobangbang.
Iti pannaki-patpatang ti Bombo Radyo Vigan ken ni Sevilleja, sangagasut duapulo ket dua a mannalon iti lugarda iti naipaayan a banag a dakkel a tulong para kadakuada para ti panagsapul.
Kabayatanna, saan met a nagbalin a parikot kadakuada epekto ti southwest monsoon idi kallabes ta saanda pay idi nagtalon.
