Imbilin ni Philippine National Police (PNP) Chief Gen. Rommel Marbil Francisco Marbil iti amin a police commander iti intero a pagilian nga iyetnag ti security measures kontra private armed groups a posible a mangriribok iti nakappia a 2025 midterm elections.
Segun ken ni Marbil, inton bigaten nga agleppas iti panagipila iti certificate of candidacy a posible a bumara iti biang ti politika kangrunaan kadagiti probinsia ken local candidates.
Impaganetget ni Marbil a masapul a mapainget pay ti security operations dagiti otoridad kangrunaan iti traditional election hotspots nga ayan dagiti tensyon.
Ti security measure ket pakairamanan ti nayon a police visibility, pannakaiyetnag ti strategic checkpoints ken pannakapasayaat ti intelligence monitoring kadagiti nasao a lugar.
