Impasigurado ni Deputy Speaker Janette Garin a maaddaan ti nainget a parameters ti House of Representatives iti aniaman a panagbaliw wenno insertion iti 2027 budget, partikular kadagiti proyekto para iti flood control.
Segun ken ni Garin, mabalin baliwan dagiti sumagmamano a proyekto iti National Expenditure Program no adda baro a kasapulan kas ti epekto ti bagyo, landslide ken dadduma pay.
Impaganetget ti agpampanday linteg a masapul nga adda nalawag a justification ti kastuy a panagbaliw wenno ti maaw-awagan nga errata.
Impasigurado pay ni Garin a saan a masapul a ma-doble dagiti anomalya iti flood control projects gapu ta addan iti Department of Public Works and Highways (DPWH) ken Department of Budget and Management (DBM) dagiti safeguards tapno malapdan ti aniaman a korapsion.
