VIGAN CITY – Agtultuloy iti nainget a pannakaipatungpal dagiti pagannurutan kadagiti border ti probinsya tapno maliklikan iti panagwara ti coronavirus disease.
Ti pannaki uman ti Bombo Radyo Vigan kenni Ilocos Sur Governor Ryan Singson, saan a mabalin palukayan iti panangbantay ti border no man pay adda tayon ti Modified General Community Quarantine ta saan a sigurado a saan a makastrek ti virus ditoy probinsya.
Agtalinaed a lockdown ti Brgy. Sevilla, Sta. Cruz agingga rummuar iti maykatlo a Swab Test ti pasiente a nagpositibo ti COVID19 no man pay addan iti rimmuar a Negative Result ti maykadwa a test na ket masapol a maipasigurado a COVID Free daytoyen.
Ti agdama addaan ti probinsya iti maysa a covid19 patient, sangapulo ket tallo a suspected covid19 patient ken person under monitoring a sangaribu uppat a gasut lima pulo ket tallo.
