Sinigurado ni House Speaker Faustino “Bojie” Dy III nga agtalinaed a silulukat iti publiko ken transparent ti proseso iti nainget a panangadal nga aramiden iti Kamara iti gakat a 2027 National Budget.
Dayta iti pinasingkedan ni Dy kalpasan nga impasa ti House of Representatives ti Department of Budget and Management (DBM) ti 2027 National Expenditure Program (NEP) nga aggatad iti P7.2 trillion.
Ti ceremonial turn over ket indauloan ni Budget Secretary Kim Robert de Leon, kadua ti dadduma pay nga opisial iti ahensia.
Segun ken ni Dy, manipod idi napan a tawen ket nangipatungpalda kadagiti reporma para iti naing-inget a panagadal iti national budget.
Ti kangrunaan a dinakamat ni Dy ti panangpatibker ti Budget Amendments and Review Subcommittee wenno BARSC, ken live-streaming of bicameral meetings.
