VIGAN CITY – Kiniddaw ti Department of Agriculture kadagiti local government unit a sakbay nga agideklerar da ti temporary ban iti panangiserrek kadagiti baboy ken frozen hog meat, masapul a makikinnammayet da pay kadagiti regional offices iti ahensya tapnu maliklikan a maapektaran iti transaksyon iti nagbaetan dagiti naduma-duma a probinsiya.
Segun ken ni Agriculture Secretary William Dar iti pannaki-uman kenkuana ti Bombo Radyo Vigan, napintas nga adda iti inisyatibo dagiti LGU ngem masapul a makikinnammayet da kadagiti DA – Regional Offices.
Kayat ni Dar nga agkaykaysa iti amin a mangsango iti agdama nga isyu inaig dagiti taraken a baboy ditoy pagilian.
Immunan nga inpasigurado iti opisyal nga adda iti makanay a suplay iti karne ti baboy ditoy pagilian babaen kadagiti commercial hog raisers isu nga awan iti rumbeng a pagdanagan iti publiko.
Innayon na pay nga ar-aramiden da t amin a kabaelan da tapnu maamuan nu anya iti pudno a rason iti pannakatay dagiti taraken a baboy ditoy pagilian, nangruna idiay Rodriguez, Rizal.
