Patien ti Malakanyang a posible a nakaapekto iti pannakaabak iti Pilipinas para ti non-permanent seat iti United Nations Security (UNSC) dagiti pasamak iti pulitika iti pagilian.
Segun ken ni Presidential Communications Office Undersecretary Claire Castro, nakita iti sangalubongan ti agdama a riri iti pulitika isu a negatibon iti panangkitada iti Pilipinas dagiti dadduma a pagilian.
Iti baet ti personal a panagkampania ni Pres. Ferdinand Marcos Jr. tapno makaala ti puesto iti UN Security Council ket naabak iti Pilipinas idiay Kyrgystan kalpasan iti uppat a rounds a panagbobotosan.
Addaan laeng ti Pilipinas iti uppat a pulo ket siam a botos idinto a 142 iti naala ti Kyrgyztan para iti Asia-Pacific seat para iti 2027-2028 a termino.
Immunan a pinasingkedan ti Department of Foreign Affairs (DFA) nga iresrespetoda ti pangngeddeng ti UN member states kagiddan ti panangidanon iti kablaaw iti Kyrgyztan.
