--Ads--
Imimbestigaran ti Malakanyang no nagtaudan ti peke a memorandum a nagwaras maipanggep ti work-from-home kadagiti opisina iti gobierno gapu iti madi a paniempo.
Segun ken ni Palace Officer Claire Castro, saan a palabsen ti Presidential Communications Office (PCO) ti panagiwaras ti peke a memo a gapuanan ti pannaka-allilaw iti publiko.
Manarimaanen iti panangbigbig no siasino iti adda iti likod iti dokumento.
Nagpanawagan pay ti Malakanyang iti publiko nga agbalin a naalibtak ken saan a dagus a patien dagiti dokumento nga agwarwaras iti online.
-- ADVERTISEMENT --
Para iti husto nga impormasion, nabalakadan ti publiko a mangnamnama kadagiti opisial a government channels ken lehitimo a media.
