VIGAN CITY – Manarimaanen iti panagsapul ti San Esteban Police Station iti posible a nangtakaw iti nangisit a tablet nga aggatad ti sangapulo ket dua a ribo a pisos iti Municipal quarantine facility idiay Brgy. Villa Quirino.
Ti biktima ket ni Thelma Ebojo, agtawen ti limapulo ket uppat,naasawaan, negosyante nga aganed idiay Brgy. San Pablo iti nasao nga ili.
Iti pannaki-uman ti Bombo Radyo Vigan ken ni PLt. Christopher Pola ti San Esteban PNP, addan iti iggemda a dakkel nga ebidensya kontra iti posible a suspek kalpasan a naiwayat iti inspeksyon kadagiti adda iti quarantine facility.
Pinasingkedan ti biktima nga ala-una iti parbangon idi October 6 idi napanna incharge ti tabletna iti ruar ti kuarto na ket idi sublianan iti alas dos trenta ket nagpukawen ti alikamenna.
Nu pay kasta, ingunam-gunam dagiti otoridad a naggapo iti ruar ti suspek a nagtakaw ket saan a dagiti madama a nakaquarantine iti nasao a pasdek.
