VIGAN CITY – Uppat iti nakemmeg iti naisayangkat nga anti-illegal gambling operation idiay Brgy. Bato, Cabugao.
Segun ti Cabugao Municipal Police Station, dagiti nakemmeg ket da Rexon Guerrero Sinco, agtawen iti duapulo ket siam, baro, construction worker nga agnaed idiay Brgy. Pug-os, Cabugao; Joseph Gingco Castillo, agtawen iti duapulo ket dua, baro, construction worker. Ken Jessie Gingso Purisima, agtawen iti uppat a pulo ket talo, naasawaan, mannalon nga agpada nga agnaed idiay Brgy. Bato, Cabugao, ken Rodel lagrazon Tagayuna, agtawen iti duapulo ket siam, addaan live-in partner, construction worker nga agnaed idiay Brgy. Turod Patac, Cabugao.
Insayangkat dagiti pannakabagi ti linteg iti anti-illegal gabling operation iti natayan iti nasao a barangay a gappuanan ti pannakakemmeg dagiti uppat a suspek kalpasan a naaktoanda iti panagay-ayamda iti Pepito.
Naala kadakuada iti maysa a set ti baraha ken pusta nga aggatad iti P1,190.
Naipan dagiti suspek iti Ilocos Sur District Hospital, Sinait para iti nmedical examination ken naipan iti Cabugao Police Station karamanen ti nakumpiskar kadakuada para iti proper disposition.
