VIGAN CITY – Panaglabsing iti Presidential Decree 1602 iti sangwen a kaso dagiti tallo a nagsusugal idiay Brgy. Tinaan, Sta. Maria.
Segun ti Sta. Maria Municipal Police Station, dagiti suspek ket da Zaldy Briones Doles, agtawen iti tallopulo ket uppat; Jocelyn Ventura Guerrero, agtawen iti uppat a pulo ket tallo, naasawaan nga agpada nga agnaed idiay Brgy. Tinaan, Sta. Maria; ken ni Beatriz Arreola Darang, agtawen iti pitopulo ket maysa, naasawaan nga agnaed idiay Brgy. Cabaroan, Sta. Maria.
Insayangkat iti Sta. Maria Municipal Police Station ti anti-illegal gambling operation iti nasao a lugar kangrunaan iti maysa a natayan a nagresultaan iti pannakakemmeg dagiti suspek a naaktuan iti panagay-ayamda iti tong-its.
Naala kadakuada iti maysa a set iti baraha, maysa a plastic a lamisaan, tallo a monoblock a tugaw ken pusta nga aggatad iti P327.
Dagiti nasao a suspek pakairamananen dagiti nakumpiskar kadakuada ket addaan iti Sta. Maria Police Station para iti documentation ken proper disposition.
