VIGAN CITY – Dua iti nakemmeg idinto a dua iti nakalibas gapu iti panagsusugalda idiay Zone 1-B, Barangay Silag, Sta. Maria, Ilocos Sur.
Segun ti Sta. Maria Municipal Police Station, dagiti naglabsing ti Presidential Decree 1602 ket da Edgar Abatayo Peralta, agtawen iti duapulo ket siam, addaan ti live-in partner, tricycle driver; Godfrey Ancheta Agustin, agtawen ti duapulo ket lima, baro, awanan trabaho, agpada a nakemmeg idinto a dagiti nakalibas ket da John Rey Dagdagan Tolentino, addan ti husto a tawen, addaan ti live-Iin partner; ken Jonathan Ballesteros Domingo, addan ti husto a tawen, baro, karpentero nga agpada nga agnaed idiay Barangay Silag, Sta. maria.
Insayangkat dagiti otoridad iti operasyon kalpasan a nakaawatda iti report inaig iti agsusugal iti nasao a lugar a gappuanan ti pannakakemmeg ti dua a suspek a naaktoan ti panagay-ayamda iti Pusoy nga adda pustana idinto a nakalibas dagiti dua a kakaduada.
Naala manipod kadagiti suspek ti pusta nga aggatad iti P1,545; tallopulo ket siam a piraso iti baraha; uppat a monobloc a tugaw ken maysa a kayo a lamisaan.
Dagiti nasao a suspek ket naipan iti Ilocos Sur District Hospital para iti medical examination ngem naipan met laeng iti Sta. Maria Police Station para iti documentation.
