VIGAN CITY – Lima iti nakemmeg gapu iti panagsusugalda iti natayan idiay Brgy. Pinipin, Sta. Cruz.
Segun ti Sta. Cruz Municipal Police Station, dagiti nagay-ayam iti table 1 ket da Nestor Molina, agtawen iti limapulo ket maysa, baro, mangngalap; Eddie Valencia, agtawen iti limapulo ket maysa, naasawaan, tricycle driver; ken Romulo Pascua nga agpada nga agnaed iti nasao a lugar; iti table 2 ket da Angelica Corpuz, agtawen iti limapulo ket siam, naasawaan nga agnaed idiay Brgy. Bangaoilan, Bangar, La Union ken dua a naglibas; iti table 3 a da Alicia Mallari, agtawen iti innem a pulo ket innem, naasawaan nga agnaed idiay Pilar Sta. Cruz ken dua a naglibas; ken Lucena Cruz, agtawen iti innem a pulo ket pito, naasawaan nga agnaed idiay Brgy. Pilar, Sta. Cruz ken dua a naglibas.
Insayangkat dagiti otoridad ti Anti-Illegal Gambling operation iti natayan ti nasao a lugar ket naaktoan ti panagay-ayam ti tong-its dagiti suspek iti agsisina a lamisaan idinto a dagiti pito ket nakalibas.
Naala iti table 1 iti set ti baraha, P4,000, 3 a monoblock a tugaw ken maysa a monoblock a lamisaan; iti table 2 ket naala ti maysa a set iti baraha, P1,440, 3 a monobloc a tugaw ken maysa a monoblock a lamisaan; iti table 3 ket naala iti maysa a set ti baraha, P999, tallo a monoblock a tugaw ken maysa a monoblock chair; ken iti table 4 ket naala ti maysa a set iti baraha, P645 a kuarta, tallo a monoblock a tugaw ken maysa a monoblock a lamisaan.
Dagiti nakemmeg a suspek ket naipan iti Ilocos Sur District Hospital, Sta. Lucia para iti medical examination.
Nupay kasta ket maisagsaganan dagiti dokumento para iti pannakaipila ti kaso kontra kadagiti suspek.
