--Ads--
VIGAN CITY – Pito a tattao iti nakemmeg ta nagsusugal da idiay Sitio Kilkiling, Brgy. Anaao, Alilem.
Nabigbig dagiti suspek a da Rogelio Bastian, Joel Bagayao, Marcelino Toling, Arnel Dumangeng, Manuel Ucalde, Modesto Bastian ken Brent Gonzalo.
Basar ti report manipod ti Alilem Municipal Police Station, nagturong da iti nasao a barangay ta adda iti naawatda a report nga adda iti manarimaan nga agsusugal ket naaktuanda nga agayayam ti Pusoy dagiti suspek.
Naala kadakuada ti lima ribo lima gasut a pisos, maysa a set ti baraha ken naipan dagiti suspek idiay Alilem RHU para iti medical examinationda. Ti agdama maisagsaganan ti kaso kontra kadagiti pito a nakemmeg iti naiwayat a anti illegal gambling operation.
-- ADVERTISEMENT --
