VIGAN CITY – Siam a tattao ti nakemmeg gapu ti panaglabsingda ti Presidential Decree 1602 wenno ti online sabong idiay Brgy. Vacunero, Sto. Domingo, Ilocos Sur.
Iti pannaki-uman ti Bombo Radyo Vigan ken ni PCapt. Jane Michael Algo iti Sto. Domingo Municipal Police Station, adda ti naawatda a tawag manipod ti concerned citizen inaig ti panagsugal iti nasao a lugar isu a nagrespondeda. Naaktuanda dagiti suspek a da Raymund Rubina Jr, 34 y/o, baro, poultry helper, nga agnaed idiay Brgy Nalasin Sto Domingo; Alex Torda, 48 y/o, baro ,construction worker, taga-Brgy. Vacunero; Julymar Begarin, 38 y/o, baro, construction worker a taga-Brgy Vacunero; Joselito Yandok, 31 y/o, naasawaan, fish dealer nga agnaed idiay Brgy Poblacion; Erwin Nationales, 30 y/o, naasawaan, self-employed nga agnaed idiay Brgy. Borobor; Jose Tabin, 27 years old, naasawaan, laborer, nga agnaed idiay Brgy Vacunero; Bryan Pangramuyen, 37 y/o, baro, construction worker, agnaed idiay Brgy Vacunero; Leo Tabusares, 35 years old, naasawaan, voucher, nga aganed idiay Brgy. San Pablo; ken Jericho Tobias, 34 y/o, baro, utility worker nga agnaed idiay Brgy Nalasin nga agpapada a taga-Sto. Domingo.
Naala kadakuada ti maysa a cellphone ken pusta nga aggatad ti pitoribo uppat a gasut innem a pulo ket lima a pisos. Kabayatanna, nairekord iti operasyon nga insayangkatda babaen ti body worn camera ken alternative recording devices.
Immunan a naipan dagiti suspek idiay Magsingal District Hospital para ti medico legal examination-da ken insigida met laeng a naipanda iti Sto. Domingo Municipal Police Station pakairamanan dagiti naala manipod kadakuada.
