--Ads--
VIGAN CITY – Karaman iti Nagsangalan Elementary School kadagiti pito a pagadalan ti maikadua a batch a pinalubosan iti Schools Division of Vigan DepEd para ti face to face classes.
Iti pannaki-uman ti Bombo Radyo Vigan kenni Ana Castor, School Principal III, maragsakanda a makakita kadagiti estudyante sakbay ti oras iti alas syete ta addadan iti uneg ti pagadalan isu a naidumduma iti marikriknanda kalpasan iti manu a tawen a saanda a nakita iti isem dagiti agad-adal.
Impakammo ni Castor a kaadduan kadagiti agad-adal iti nasao a pagadalan ket nakabakunaan kontra ti COVID-19.
Innayon ti opisyal a nasurok dua gasut nga agad-adal ti sumrek para ti face to face classes a nabingay-bingay iti panagserrekda iti uneg ti pagadalan.
-- ADVERTISEMENT --
