VIGAN CITY- Tallo a bilang ti kaso a direct assault upon a person in authority ti naipila kontra kenni Virginia Castro, agtawen ti uppat a pulo ket walo, naasawaan ken taga Barangay Padu Grande, Sto. Domingo , gapu iti panangdanog ken panangkagat na kadagiti barangay tanod ken opisyal a nanganawa kenkuana iti panagprobokar na iti barangay da
Immuna a nagresponde ni barangay tanod Mark Joseph Tabios tapno anawaen ni Castro nga ikit na ngem imbes nga agsardeng ti suspek ket dinanog na ti akinkinnigid a pingping ti barangay tanod ken kinagat na pay ti akinkannawan nga ima na.
Gapu iti dayta ket nagpatulong ni Tabios isu a nagresponde ni barangay tanod Georgette Biñang kenni barangay kagawad Armando Tabios ngem inkarkaro latta ni Castro ti panagprobokar ken kinagat na pay ti ima na Biñan sana pinagsawsaw-an ida ket kinunana nga awan ti serserbi da.
