--Ads--
VIGAN CITY – Agtaltalinaed iti balay pagagasan ni Adaya Hilary, agtawen ti duapulo ket tallo nga agnaed idiay Balaleng, Bantay gapu iti pannaka-aksidentena ditoy Brgy. Tamag, Vigan City.
Agpapa-amianan a direksion ni Hilary a nagmaneho ti Mio motorcycle ken mapapati a nabartek idi nadungparna ti maysa a kalesa ket saannan a nakontrol ti manibela ti luganna a rason ti pannakaidungparna ti maysa a signage iti kalsada ken nagsagabaan ti nakaro a dunor ti akin-kannigid a sakana.
Naitaray iti kaasitgan nga ospital ti biktima para iti pannakataming na.
Adda helmet ti biktima idi nagmaneho iti motorsiklo ngem awan iti silaw ti lugan na isu a mapapati a saan na a nakita a naimbag iti daldalyasaten na a kalsada ken ti kalesa a nadungpar na.
-- ADVERTISEMENT --
