Agpada a naipaagas iti ospital dagiti nagmaneho ti traysikel ken motorsiklo kalpasan iti panagdinnungparda iti national highway idiay Barangay Tallaoen, Tagudin, Ilocos Sur iti alas tres kuarenta iti malem idi kalman, June 27, 2025.
Ti nagmaneho iti Honda TMX tricycle ket ni Valentino Cabagbag Cortez, agtawen iti innem a pulo, naasawaan nga agnaed idiay Barangay Farola, Tagudin idinto a ti nagmaneho iti Honda XRM motorcycle ket ni Charles John Dela Cruz Duran, agtawen iti duapulo ket walo, collector nga agnaed idiay San Fernando City, La Union.
Iti pannaki-uman ti Bombo Radyo Vigan ken ni PMaj. Klayvan Paycao Dalang manipod iti Tagudin Municipal Police Station, agpapabagatan ti nakatraysikel idin ginandatna nga ag-over take iti traysikel iti sangona ngem nagbabawi, nagtultuloy iti panagdalkyasat ti traysikel a napaspas iti patarayna iti nasao a paset iti national highway ngem kellaat a nag-over take manen a gappuanan iti panagdinnungparda iti nakasabatna a nakamotorsiklo nga adda iti bangir a linya.
Gapu iti impact ket nadunor ti ulo ti nagmaneho iti traysikel idinto a ti nakamotorsiklo ket na-fracture ti akin-kannigid a luppona isu a naipanda iti Ilocos Sur District Hospital – Bio, Tagudin para iti pannakatamingda ngem ti nagmaneho ti motorsiklo ket naiyakar iti Lorma Medical Center idiay San Fernando City, La Union.
Segun ken ni Dalang, saan pay a nakapagsarita dagiti karaman iti aksidente ta ipangrunada pay iti panagpalaingda.
Palagipna kadagiti motorista iti naannad a panagmaneho ken kanayon a lahipen ti Blowbagets sakbay iti panagmaneho tapno maliklikan iti aksidente.
VIDEO – PMAJ. KLAYVAN PAYCAO DALANG
