VIGAN CITY – Nadunor iti nagmaneho iti motorsiklo kalpasan a natukbobna iti maysa nga SUV iti national highway a sakupen iti Brgy. Balaleng, Bantay.
Dagiti karaman iti insidente ket ti Toyota Fortuner a minaneho ni Ralph Ayon Ayon, agtawen iti duapulo ket tallo a taga-Flora, Sto. Domingo idinto a ti nagmaneho iti motorsiklo ket ni Darwin Cabrera, agtawen iti sangapulo ket walo, baro nga agnaed idiay Brgy. Guimod, Bantay.
Segun ti Bantay Municipal Police Station, agpada nga agturong iti amianan a direksyon dagiti dua a lugan a ti akin sango ket ti SUV.
Idi nadanonda iti nasao a lugar ket bimuntog ti panagpataray ti SUV agingga nagpreno a gappuanan ti trapiko ken pannakatukbob iti nakamotorsiklo isu a nadunor ti nadumaduma a paset iti bagina idinto a saan a naan-ano ti driver ti SUV.
Agpada a naipan iti Gabriela Silang General Hospital dagiti dua a driver para iti medico legal examination idinto a saan pay nga ammo nu mano ti gatad ti nadadael a paset ti luganda.