Nadundunor ti nagmaneho iti motorsiklo gapu ti pannakaidungparna iti MPV iti national highway idiay Barangay Guimod Norte, San Juan, Ilocos Sur idi kalman, March 13, 2026.
Ti nagmaneho iti Kawasaki Barako 175 ket lalaki nga agtawen iti innem a pulo ket tallo, tricycle driver nga agnaed idiay Batac City Ilocos Norte.
Ti nagmaneho met iti Mitsubishi Xpander Cross ket lalaki nga agtawen iti pitopulo ket walo, nga agnaed idiay Las Pinas ngem tubo idiay Sta. Monica, Magsingal.
Agpapabagatan a direksyon ti motorsiklo idinto nga adda iti bangir a linya ti MPV idin kellaat a nagin-innayad ti MPV tapno agsikko ngem idi manarimaan iti panagsikkona iti kannigid a direksyon ket dinungpar iti napaspas a pataray a nakamotorsiklo a gappuanan iti pannakatumba ken pannakagasgas iti nadumaduma a paset ti bagi ti nagmaneho iti motor, a dagus met nga impaayan ti first aid dagiti kamen ti Municipal Disaster Risk Reduction and Management Office personnel.
