Personalen a simmukon ti naglibas a Person Deprived of Liberty (PDL) ti BJMP Vigan City babaen ti pannakikammayet ti Vigan City police station, BJMP Vigan ken Provincial Jail ti maysa a convenient store idiay Sudipen, La Union.
Nabigbig ti PDL a ni Paul Alegre Andia Jr., agtawen iti uppat a pulo ket siam, ken residente idiay Brgy. Manangat, Caoayan, Ilocos Sur.
Personal a sinundo ti kameng ti Ilocos Sur Provincial Office nga indaulwan ni PCol. Darnell T. Dulnuan ken Plt. Col. Cristio S. Lagyop Jr. apaman a nakaawatda ti impormasion ti ayan ti PDL.
Babaen ti panagtinnulong ni Provincial Warden Raymond T. Tabios, naiturn over ken addan kustodiada ti nasao a PDL.
Iti pannakiuman ti Bombo Radyo Vigan ken ni Plt. Amado Somera, Deputy Chief ti Vigan City Police Station, awan ti makaammo ti ayanna, pakairamanan ti kabsat ken kabagyanna no kasano a nakadanon idiay La Union.
No pay kasta, naipan ni Andia Jr. idiay Ilocos Sur Provincial Hospital-Gabriela Silang para iti medico-legal examinationna.
Inkiddaw met ni Andia Jr. a maiyakar isuna iti Ilocos Sur Provincial Jail.
– Nesami Ryce Dela Cruz
