VIGAN CITY – Nakurang a sangapulo ket lima nga agindeg iti ili ti Santa iti naglabsing iti health protocols a maipapatungpal kagiddaan iti pannakaidalan pay laeng iti Modified General Community Quarantine ti probinsia gapu iti covid-19.
Iti pannaki-uman ti Bombo Radyo Vigan ken ni PLt. Sygman Benigno iti Santa Police Station, bayat iti panagpatrolyada iti rangtay ti ili ket naranaanda dagiti nagtatambay a saan a nakaaramat iti face mask ken saan a simmurot iti social distancing.
Na-ticketan dagiti naglabsing iti pagannurutan isu a nagmueltada iti sag-tallo gasut a pisos ket nagpagalip ni Benigno kadagiti amin nga agindeg a sumurot kadagiti health protocols.
Kabayatanna, ingunamgunamna a saan a maiparit iti panagpagna, panagtaray ken panagbisikleta iti nasao a lugar nu laketdi masurot iti panagaramatan ti face mask ken panang-oberbar ti social distancing.
