--Ads--
Nadunor dagiti nagkalubbon iti motorsiklo iti napasamak nga aksidente iti Cervantes-Mankayan Road, Barangay Comillas North, Cervantes, Ilocos Sur.
Ti drayber ti motorsiklo ket agtawen iti tallopulo ket siam, taga-Sitio Bataung, Barangay Virac, Itogon, Benguet, kinalubbonna ti maysa nga agtawen iti duapulo ket maysa, taga-Sitio Paco, Barangay Lepanto, Mankayan, Benguet.
Agpapa-abagatan ti motorsiklo ket idi madanonda ti kurbada a paset ti kalsada, nag-overtake-da iti lugan iti sangwananda, ngem saan a nakontrol ti drayber ti manibela ti lugan isu a naitinnagda iti derraas, agraman ti lugan iti nasurok kumurang 15 a metro.
Naipaagasda met iti ospital para iti naan-anay a pannakatamingda.
-- ADVERTISEMENT --
