Dead on arrival ti backrider ti motorsiklo iti napasamak nga aksidente idiay Barangay An-annam, Bantay, Ilocos Sur.
Nabigbig ti natay a back ride a ni Roger Marzan Pescador, agtawen iti tallopulo ket siam idinto a ti nagmaneho ti naglugananda a a Honda Click ket ni Reneboy Berido, mannalon, agpada nga agnaed iti nasao a lugar.
Iti pannaki-uman ti Bombo Radyo Vigan ken ni Police Captain Donaldson Pagalanan, naggapuda a nagallawagi dagiti nagkalubbon ket bayat idi agpapalaud ti motorsiklo, naidungpar iti G.I. pipe streetlight post iti amianan a paset ti kalsada.
Gapu dayta, nadunor dagiti nagkalubbon ket naipaagasda iti ospital ngem saanen a nakalasat ti backride.
Mapapati a naatake ti backride ngem saanen a kayat nga ipa-autopsy ti pamiliana ti bangkayna.
Nakainom iti arak ti drayber idi mapasamak ti aksidente.
