Nadunor dagiti nagkalubbon iti motorsiklo gapu iti pannakatukbobda iti traysikel iti national highway ti Barangay Maynganay Sur, Sta. Maria, Ilocos Sur.
Ti motorsiklo ket minaneho ti lalaki nga agtawen iti limapulo ket tallo, kinalubbonna ti babai nga agtawen iti limapulo ket lima, agpada a taga-San Antonio, Narvacan.
Ti met traysikel ket minaneho ti lalaki nga agtawen iti tallopulo ket uppat, taga-Barangay San Pedro, Narvacan.
Agpapa-amianan dagiti 2 a lugan a ti motorsiklo ket sarsarunwenna ti traysikel.
Nagmenor ti traysikel ta agsikko koma ngem iti panagsikkona ket isu met ti pannakatukbob kenkuana ti motorsiklo a nangpadas pay a nagpreno ngem saan a nagballigi.
Nadunor ti nadumaduma a paset ti bagi dagiti nagkalubbon ket Naipaagasda iti ospital idinto a saan a naan-ano ti drayber ti traysikel.
