--Ads--
Dua ti nadunor iti pannakatukbob ti maysa a wing van truck iti motorsiklo iti national highway ti Brgy. Saoat, Sta. Cruz, Ilocos Sur, itay alas kuatro iti parbangon.
Ti motorsiklo ket minaneho ti lalaki nga agtawen iti duapulo ket innem, kinalubbonna ti lalaki nga agtawen iti tallopulo ket walom agpada a taga-Barangay Pinipin.
Ti met wing van truck ket minaneho ti lalaki nga agtawen iti duapulo ket tallo, taga-Barangay Bagani Campo, Candon City.
Agpada nga agpapa-abagatan dagiti dua a lugan idin ta aksidente a natukbob ti trak ti motorsiklo.
-- ADVERTISEMENT --
Naammuan nga adda dadael ti ti tail light ti trak ken awan ti helmet dagiti nagkalubbon iti motorsiklo nga agpada a nakainom.
Saan met a naan-ano ti drayber ti trak.
