Nadunor dagiti nagkalubbon iti motorsiklo iti aksidente a napasamak iti national highway ti Barangay Angkileng, Sta. Lucia, Ilocos Sur.
Karaman iti aksidente ti maysa nga Isuzu Crosswind a minaneho ti lalaki nga agtawen iti limapulo ket walo, agnaed iti Barangay San Policarpio, Calbayog City, Samar.
Ti met nagmaneho iti motorsiklo ket babai nga agtawen iti duapulo ket innem, agnaed iti Barangay San Pedro, Sta. Lucia, kinalubbonna ti maysa a babai a menor de edad.
Maibasar iti CCTV footage, nakastreken ti motorsiklo iti national highway nga agturong iti amianan, ket idi nadanonna ti nakapasamakan ti aksidente, simrek ti MPV iti national highway ket saanna a nadlaw ti motorsiklo iti sangwananna isu a nadungparna ti kannawan a pasetna. Naipaagas iti ospital dagiti nagkalubbon para iti naan-anay a pannakatamingda
