VIGAN CITY – Nagdinnungpar ti maysa a Mitsubishi Montero ken Suzuki Rider idi rabii ti February 22 idiay Barangay San Vicente, Magsingal.
Nabigbig ti nagmaneho iti Mitsubishi Montero a ni Rizza Rosario, agtawen ti dua pulo ket lima nga agnaed idiay Tamag, Vigan City ken ti nagmaneho iti Suzuki Rider a ni Aprilyn Ramos, agtawen ti sangapulo ket pito ken ti kaduana a ni Cesar Tabangcura, agtawen ti sangapulo ket siam nga agpada nga agnaed idiay Miramar, Magsingal.
Agpapaabagatan a direksyon ni Rosario idi nagsikko iti nasao a barangay ket ditan a nadungparna iti agpaamianan a Suzuki Rider a minaneho ni Ramos a nagresultaan iti pannakadunor ni Ramos ken ti kadua ket naipan da idiay Ilocos Sur District Hospital – Magsingal ngem naiyalis ni Ramos idiay Ilocos Sur Provincial Hospital – Gabriela Silang para iti naan-anay a pannakatamingna.
Kabayatanna, iti nagmaneho iti Mitsubishi Montero ket saan a naan-ano.
