Nadangran dagiti nagkalubbon iti motorsiklo gapu iti aksidente a napasamak iti provincial road ti Barangay Bayubay Sur, San Vicente, Ilocos Sur.
Nabigbig ti nagmanejo iti Yamaha Mioi 125 a ni Christian Kurt Garcia Parel, agtawen iti sangapulo ket siam, back rider-na ni Arturo Carbonel Bayubay, agtawen iti duapulo ket dua, taga-Barangay Cabaroan, Sta. Catalina.
Ti met nagmaneho iti Toyota Wigo ket ni Jay R Cabrera Reintegrado, agtawen iti tallopulo ket uppat, taga-Barangay Marozo, Narvacan.
Agpapalaud ti motorsiklo idinto nga agpa-abagatan met ti Toyota Wigo.
Idi magtengda ti nakapasamakan ti aksidente, ti Toyota Wigo a sumrek iti provincial road ket nadungpar ti motorsiklo iti akin-kannigid a pasetna.
Gapu dayta, nadunor dagiti nagkalubbon ken naipaagasda iti ospital para iti naan-anay a pannakatamingda.
