Nadunor dagiti nagkalubbon iti motorsiklo iti napasamak nga aksidente idiay Barangay Tamag, Vigan City, Ilocos Sur.
Nabigbig dagiti nagmaneho iti Euro Sport motorcycle a ni Marinel Agwayaway Ayson, agtawen iti duapulo, taga-San Julian Sur, Vigan City, kinalubbonna ni Diosa Santiago, agtawen iti duapulo ket lima, taga-Barangay Malin-awa, Tabuc City, Kalinga.
Ti met Nissan Verita HB ket minaneho ni Enrique Miguel Aurelio Lazo Rivaz, agtawen iti innem a pulo ket pito, merchandising officer, taga-Magsaysay Village, Tamag, Vigan City.
Agpapa-amianan ti motorsiklo idin ta inagawna ti linya ti Nissan Verita ket nadungparna.
Gapu dayta, nadunor ti nadumaduma a paset ti bagi dagiti nagkalubbon a naipaagas iti ospital para iti pannakatamingda idinto a ti drayber ti Nissan ket saan met a naan-ano.
Nakainom dagiti nagkalubbon idi mapasamak ti aksidente.
