Nadunor dagiti nagkalubbon iti motorsiklo gapu iti pannakadungpar kadakuada ti kotse idiay Barangay Ayudante, Candon City, Ilocos Sur.
Ti Hyundai Accent a kotse ket minaneho ni Cesar Mapili Palacio, agtawen iti uppat a pulo, taga-Barangay Danuman East, Sta. Maria, inluganna da Christine Venus Ebojo Apayyo, agtawen iti uppat a pulo ket tallo, taga-Barangay Lingsat, San Fernando City, La Union.
Kabayatanna, ti met Black MotorsStar 110 a motorsiklo ket minaneho ni Michael Resonable Novida, agtawen iti tallopulo ket tallo, kinalubbonna ni Ryan Raras Valdez, agtawen iti duapulo ket tallo, agpada a taga-Sitio Pantar, Barangay Villahermosa, Santa Cruz.
Agpapa-amianan ti kotse idin ta nagballasiw ti motorsiklo nga aggapu iti daya a mapan ti laud.
Gapu dayta, nadungpar ti kotse ti likudan a paset ti motorsiklo.
Nadunor ti nadumaduma a paset ti bagina ti drayber ti motorsiklo idinto a ti backride ket nagsagaba iti head injury.
Saan met a naan-ano ti drayber ti kotse ken ti pasaherona.
Amida ket naitaray iti balay pagagasan para iti naan-anay a pannakatamingda.
Naduktalan a nakainom dagiti nagkalubbon idi mapasamak ti aksidente.
