Naipaagas iti ospital dagiti nagkalubbon iti motorsiklo gapu iti pannaka-aksidenteda idiay Barangay Allangigan 2nd, Candon City, Ilocos Sur.
Nabigbig ti drayber ti Honda XRM 125 a ni Julius Czar Mangibat Manibloc, agtawen iti duapulo, construction worker idinto a ti backride ket ni Julius Valdez Baobaoen, agtawen iti duapulo ket siam, Bantay Gubat ti DENR-Tagudin, agpadada a taga-Madarang, Salcedo.
Agpapadaya ti motorsiklo, idin ta idi nadanonna ti nakapasamakan ti insidente, naawanan ti drayber iti kontrol iti manibela ket naidungpar iti pader.
Gapu dayta, nadunor ti nadumaduma a paset ti bagi dagiti nagkalubbon a naipaagas iti ospital para iti pannakatamingda.
Nakahelmet dagiti nagkalubbon idi mapasamak ti insidente ken adda impluwensya ti arak iti bagida.
