Nadangran dagiti nagkalubbon iti motorsiklo iti napasamak nga aksidente iti national highway ti Barangay San Nicolas, San Esteban, Ilocos Sur.
Karaman iti aksidente ti maysa a Toyota Innova a minaneho ti lalaki nga agtawen iti tallopulo, taga-Barangay San Nicolas, San Esteban.
Ti met Suzuki Raider 150 motorcycle ket minaneho ti lalaki nga agtawen iti uppat a pulo ket dua, backrider-na ti lalaki nga agtawen iti duapulo ket siam, agpada a taga-Sta. Lucia, Narvacan.
Agpada nga agpapa-abagatan dagiti dua a lugan, ket idi madanon ti nakapasamakan ti aksidente, nagsenyal ti Toyota nga agsikko tapno agparking.
Nagpreno met ti sumarsaruno a motorsiklo ngem natukbobna latta ti Innova.
Agalen ti drayber ti motorsiklo ti nasakit a sakana, ti backrider ket nadunor ti rupana idinto a saan a naan-ano ti drayber ti Toyota.
Kabayatanna, natakuatan a nakainom dagiti nagkalubbon idi mapasamak ti aksidente.
