Nadunor dagiti nagkalubbon iti motorsiklo iti napasamak nga aksidente iti national highway ti Barangay Maynganay Sur, Sta. Maria, Ilocos Sur.
Ti motorsiklo ket minaneho ti maysa a babai nga agtawen iti tallopulo ket innem, taga-Barangay Pakiling, Bucay, Abra, kinalubbonna ti babai nga agtawen iti limapulo ket siam, agnaed iti nasao a lugar.
Ti met utility vehicle dump truck ket minaneho ti lalaki nga agtawen iti innem a pulo ket tallo, taga-Barangay Lingsat, Sta. Maria.
Agpapa-amianan ti motorsiklo iti national highway, idinto a ti dump truck ket adda iti barangay road a sumrek iti national highway.
Idi nagtengda ti nakapasamakan ti aksidente, nagsikko iti kannigid ti dump truck idin ta natukbob daytoy ti motorsiklo.
Natulid dagiti nagkalubbon iti kalsada ket nadunor ti nadumaduma a paset ti bagida isu a naipaagasda iti ospital.
