VIGAN CITY – Agpada a nadundunor dagiti nagkalubbon iti motorsiklo gapu iti pannakaaksidenteda idiay Sitio Saoil, Brgy. Poblacion, Quirino.
Segun ti Quirino Municipal Police Station, ti nagmaneho ket ni Cristy Laspacian Buseley, agtawen iti tallopulo ket walo, naasawaan. Local Assistant Operation Officer of the Assessor’s Office iti nasao nga ili idinto a ti kinalubbonna ket ni Sonia Benito Castro, agtawen iti tallopulo ket tallo, Book Keeper iti isu met laeng nga opisina nga agpada nga agnaed iti ili ti Quirino.
Agturong iti Poblacion dagiti dua a nagkalubbon iti motorsiko idi nadanonda iti agsikko a paset iti kalsada ket nagderetsoda isu a naitapwakda iti kataltalonan.
Gapu ti sinagaba a dunor dagiti dua ket naipanda iti Quirino Primary Health Care Facility ngem nai-referda iti Bessang Pass Memorial Hospital, Cervantes para iti panagx-ray da.
Nupay kasta, saan pay nga ammo nu mano iti gatad ti nadadael a paset iti lugan.
