VIGAN CITY – Nadunor dagiti nagkalubbon iti motorsiklo gapu iti pannakasagid ti trak iti naglugananda idiay Barangay Bahet, San Ildefonso.
Nabigbig ti nagmaneho iti motorsiklo a YAMAHA NMAX 155 a ni James Vincent Adriatico Ricardo, agtawen iti tallopulo ket innem, agnaed iti Barangay Purok a Dakkel, Vigan City.
Ti met backride nak et ni Amanda Raqueno Ferida, agtawen iti duapulo ket innem, agnaed iti Barangay Capangpangan, Vigan City.
Kabayatanna, ti maet nagmaneho iti Isuzu Trailer Truck ket ni Ronald Opelac dela Cruz, agtawen iti limapulo, agnaed iti Baligat, Batac City.
Iti pannaki-uman ti Bombo Radyo Vigan ken ni Police Captain Alberto Ramos Jr., agpapaabagatan ti dua a lugan idin ta nagovertake ti trak iti sarsarunwenna a motorsiklo ngem apag-isu met a masabetna ti patrol ti kapulisan ket nasagid ti trak ti manibela motorsiklo.
Gapu dayta, saan a nakontrol ti drayber ti motorsiklo ti manibelana a puon ti pannakadisgrasyada nga agkalubbon.
Nadunor dagiti nagkalubbon a naipaagas iti ospital ta ti backrider ket maob-obserabaran iti ospital idinto a natukkol met ti abaga ti drayber.
Nupay kasta, saan met a naan-ano ti drayber ti trak ken naituding ti panagpatang ti agsinnumbangir a grupo.
