VIGAN CITY – Nadunor dagiti nagkalubbon iti motorsiklo a nakidinnungpar iti provincial bus idiay national highway ti Barangay Banaoang, Santa idi alas onse y media iti agsapa idi kalman, November 17.
Nabigbig dagiti nagkalubbon iti motorsiklo a da Michael Dence Palasigue nga agtawen ti sangapulo ket siyam nga agnaed idiay Brgy. Luna, Natividad kenni Caridad Pinayacan, agtawen ti uppat a pulo ket lima nga agnaed idiay Brgy. Malasin, Pozorrubio Pangasinan.
Kabayatanna, ti driver iti nakadinnungpar da a Partas bus ket nabigbig a ni Jaime Manaois Jr nga agtawen ti uppat a pulo ket siyam nga agnaed idiay Brgy. Nangalisan, Tuba, Benguet.
Maibasar iti pakpakauna a panagsukimat dagiti kameng ti Santa Municipal Police Station, mapapati a naawanan iti kontrol iti manibela iti motorsiklo ni Palasigue kabayatan iti panagpapa-abagatan da isu a nakadinnungpar na iti nasabat da a bus a poon iti aksidente ta uray la naipasirok iti motorsiklo a nagluganan dagiti dua a poon iti nakadundunuran da.
